زمان .. أقصد بزمان ما قبل ظهور الإنترنت فى حياتنا، كانت حاجات كتير صعبة، أو على الأقل محتاجة وقت ومجهود مُضاعف عشان تحصل، ومن ضمن المجهود ده إننا نلبس ونخرج ندور على معلومة فى أى مجال.. النهاردة ومن وقت ظهور الإنترنت بقينا ندور على أى معلومة محتاجين لها واحنا فى بيوتنا أو على سريرنا، بأقل مجهود وبأكبر فايدة بنوصل للى احنا محتاجين له من معرفة.. وجزء مهم من المعرفة دى إننا نتبادلها سوا، اللى أعرفه بقوله لغيرى، وغيرى يعلمه لغيره وهكذا.

وصفتنا النهاردة للفطار، وصفة صحية ومليانة بالطاقة، تنفع جدا للرياضيين، ممكن ياكلوها قبل ما يلعبوا التمارين بتاعتهم، أو حتى بعدها مباشرة، لأن الوصفة بتقوم أساسا فى مكوناتها على البلح، وبيدخل معاه الشوفان وجوز الهند... المكونات التلاتة دول هو أساس وصفتنا النهاردة، وبيدخل معاهم مكونات تانية عشان تدى طعم جميل وقيمة عالية.. لما نقول الشوفان، يبقى فوايد صحية وغذائية كتيرة أوى للجسم والبشرة، هنتعرف عليها سوا، ونحاول نركز فى إننا مش مجرد بنقدم فكرة جديدة على المطبخ المصرى والعربى بشكل عام، احنا بنفكر نقدم وجبة صحية وطعمها لذيذ.

إيه هو الشوفان؟

هو نبات يعتبر من الحبوب وفى نفس الوقت هو عشبي, ويصنف من النباتات الحولية بالنسبة للنمو, وهو يشبه القمح والشعير في شكله ولكن حجمه يتوسط بين الاثنين.

فوائد الشوفان:

يعتبر من مهدئات الأعصاب، ومُضاد طبيعى للاكتئاب. يحتوى على مادة Inositol اللى بتحافظ على معدلات الكوليسترول الطبيعية فى الدم. يحتوى على معادن الكالسيوم والمغنسيوم والبوتاسيوم اللى بتساعد على تغذية الجسم. يُساعد على فقدان الوزن لاحتوائه على نسبة عالية من الألياف. يُعالج من مرض الإمساك. يحتوى على نسبة عالية من مضادات الأكسدة، ولذلك فهو يُساعد القلب على البقاء بحالة جيدة وعدم التعرض للجلطات. يعمل على ترطيب الجلد وتنعيمه. يحتوى على نسبة عالية من البروتينات، مما يجعله بديلا جيدا ورخيصا للحوم.

فوائد البلح:

يعتبر البلح مصدرا كبيرا للطاقة، حيث يحتوى على نسبة عالية من السكريات، مثل الجلوكوز والفركتوز والسكروز، مما يعطى طاقة كبيرة لجسم الإنسان. كما يحتوى البلح على نسبة عالية من الحديد مما يجعله غذاءً مفيدا لمحاربة الأنيميا. يحتوى البلح على مادة الفلور التى تحمى الأسنان من مرض التسوس. البلح غنى جدا بالمنجنيز والماغنسيوم لذلك فهو مفيد لتقوية العظام والحماية من الهشاشة.

المكونات:

50 جرام شوفان

20 حبة بلح سبق نقعه فى الماء وتخليته من البذور

50 جرام جوز هند

10 حبات كريز أحمر

1/2 ملعقة شاى بشر ليمون

25 جرام فول سودانى مقشر ومملح

ملعقة طعام زبدة الفول السودانى

ملعقة طعام بودرة كاكاو

طريقة التحضير (الوصفة الأولى)

فى خلاط، نضع 10 حبات من البلح و25 جرام من الشوفان و25 جرام من جوز الهند، ثم نُضيف حبات الكريز وبشر الليمون ونقوم بخلط المكونات جيدا.

نستخرج العجين ونقوم بتشكيله باليد على شكل كور متساوية الحجم، ثم نضعه فى كيس حفظ بالثلاجة لمدة ساعتين أو نقوم بتخزينه فى الفريزر، ويستخرج عند الحاجة لتناوله. يمكن حفظه فى الفريزر لمدة أسبوع كامل.

(الوصفة الثانية)

فى خلاط، نضع 10 حبات من البلح و25 جرام من الشوفان و25 جرام من جوز الهند، ثم نُضيف الفول السودانى وزبدة الفول السودانى والكاكاو ونخلطهم جيدا.

نستخرج العجين ونقوم بتشكيله باليد على شكل كور متساوية الحجم، ثم نضعه فى كيس حفظ بالثلاجة لمدة ساعتين ثم يُقدم للأكل.

يمكنكم عمل عشرات الوصفات من كرات الطاقة وذلك بالالتزام بالمكونات الرئيسية الثلاثة وهى: البلح، والشوفان، وجوز الهند، ثم إضافة أى أنواع مفضلة لديكم من الفواكه والمكسرات.

تكلفة طبق كرات الطاقة 15 جنيهًا مصريا.