طريقة عمل سلطة الفاصوليا الخضراء


أول أكلة في حياتنا كلنا، كانت واحدة.. كلنا كلنا نفس الأكلة لما اتولدنا.. كلنا كان غذاؤنا واحد من لحظة الميلاد، لحد ما كبرنا اختلفنا.. أول أكلة.. لبن الأم.. الوصفة الربانية اللي ميعرفش حد يصنع منها نسخة متطابقة تماما.. الوجبة المُشبعة جدا.. مشبعة في طعمها، وفي حنيتها، وفي مشاعرها، وفي ضمتها الحنونة.. الوجبة اللي بعدها بعدد من الشهور، بنتعلم نكبر ونستغنى عنها ونروح لبدائل تانية من الغذاء، بعد ما نكون تم إشباعنا تماما من لبن الأم!!

من بعد لبن الأم، بتظهر الاختلافات بين الشعوب.. في الأول كلنا واحد.. وبعد الفطام.. بنختلف.. أكل الطفل المصري في عمر شنتين، غير الطفل الأوروبي، غير الخليجي، غير الأمريكي.. بتبدأ تظهر أهمية التنوع، في إنتاج كل دولة من المحاصيل وفي طريقة توفير الأم للغذاء الصحي المناسب لأطفالها.. ويكبروا الأطفال ويبدؤوا رحلتهم في التذوق واختيار الطعام المناسب لذوقهم وشخصيتهم وطبيعة حياتهم!!

سلطة الفاصوليا الخضراء، من الوصفات الشهية جدا، المنتشرة بقوة حول العالم.. بتتقدم بأكثر من طريقة وفي أكثر من مكان، أشهرها السلطة المُقدمة في محلات البيتزا الشهيرة، بيتزا هت، واللي بيكون عليها إقبال كبير من الناس، وأنا واحدة منهم.. دايما بفكر، إيه المانع إن الأكل اللي عجبني بره بيتي، أعمله أنا بإيدي؟! وعشان كده سلطة الفاصوليا الخضراء هنعملها مع بعض بطريقتنا، الشهية جدا، سهلة وسريعة التحضير!!

طريقة عمل سلطة الفاصوليا الخضراء:

المكونات:

رأس ثوم كاملة.

٢ ملعقة كبيرة خل أبيض.

٢ ملعقة كبيرة مسطردة ديجون.

ملعقة كبيرة عسل أبيض.

ملح وفلفل للتتبيل.

ربع كوب زيت زيتون.

لوز مقشر محمص للتزيين.

طريقة التحضير:

نشوي رأس الثوم في الفرن (تستغرق عملية الشوي حوالي نصف ساعة على درجة 150 مئوية).

نستخلص الثوم بالضغط على نهاية الرأس (افتح الرابط).

نسلق الفاصوليا لمدة ٤ دقائق في ماء مغلي به رشة ملح.

نرفع الفاصوليا بعد السلق، ونضعها في طبق عميق به ماء بارد ومكعبات ثلج.

نضع كل المكونات السابقة مع بعضها في طبق عميق مناسب ونخلطها جيدا.

نضع بالفاصوليا في الخليط ونقلبها جيدا حتى تتشرب الخليط.

في طاسة مناسبة، نضع ملعقة صغيرة من زيت الزيتون، ثم نضع حبايبات اللوز ونقوم بتحميصها لمدة دقيقتين، ثم نخرجها ونتركها لتبرد.

نضع الفاصوليا في طبق التقديم وعليها اللوز.

دي كانت وصفتنا لطريقة عمل سلطة الفاصوليا الخضراء، لو حابين تشوفوا طريقة التحضير بالصور بالتفصيل اضغط >>>> هنــــــــــــــــــــــا