طريقة تحضير الليمون المخلل


المخللات أو فواتح الشهية، الطبق الشهير جدا على كل سفرة بيت مصرية، مين يقدر يقاومه، ده لا يقاوم وليس له مثيل فى الكون. من الجميل إننا نقدر نعمل المخللات فى بيوتنا، خصوصا لو كنا بنحبها، والجميل إننا نتقن عمايلها ونشعر بفارق الطعم الرهيب المخدوم ما بين مخلل البيت وما بين المخللات اللى بنشتريها جاهزة من بره.. تعالوا نتعلم سوا طريقة تحضير الليمون المخلل.

 

طريقة تحضير الليمون المخلل:

 

المكونات:

كيلو ليمون

2 قرن فلفل أحمر حار

ملعقة صغيرة شطة حمراء

ربع كوب ملح خشن

لتر ماء

عُصفُر

حبة البركة

كوب عصير ليمون

ربع كوب زيت زيتون أو زيت ذرة

 

طريقة التحضير:

نغسل الليمون كويس جدا ونشقه نصين أو أربعة زي ما تحبي، وبعدين نحطه يتسلق أنا بعمله مستوي على فكرة عشان اكله بعد 15 يوم وعلي ما يستوي بجهز الخلطة 

بضرب الفلفل الرومي الأحمر في الكبة وبعدين بحطه في بوله ومعاه شطه وعصفر وحبة البركة وملح وكوب عصير الليمون وزيت وبقلبهم على بعض، يكون الليمون استوي احطه تحت الحنفية حوالي ساعه المية سايبة عشان يضيع المرارة بتعته واخده احشيه وارصه في البرطمان وباقي الحشو بحطه فوق الوش واكمل البرطمان بميه مغليه وزيت كتير فوق الوش عشان ميعملش ريم أبيض وبعد 15 يوم يتاكل بالهنا والشفا.

 

نتمنى تكون وصفتنا سهلة وعجبتكم..

 

 لو عندكوا أى أسئلة بخصوص الوصفة، افتحوا  الرابط ده واسألوا صاحبة الوصفة.. وبالهنا.