طريقة عمل سلطة كول سلو 

سلطة كول سلو دى سلطة حكاية، بتكون زى الولد فى الكوتشينة، دايما بتقُش! السلطة دى سهلة جدا وسريعة جدا جدا فى تحضيرها، وبتتقدم زى ما قلنا قبل كده، مع الدجاج الكنتاكى، وبتتقدم كمان مع أنواع كتير من الساندوتشات.

سلطة كول سلو من السلطات اللى بتحلو لما تبات ليلة فى التلاجة، يعنى لو عندك عزومة وعاوزة تقدميها لضيوفك، يبقى يستحسن تعمليها الليلة اللى قبلها وتُحطيها فى علبة بلاستيك وتقفليها لحد معاد العزومة فى اليوم التانى، ساعتها هتلاقى إن طعمها أروع بكتير من إنك تعمليها فى نفس اليوم.

يالا بينا نتعرف على المكونات لطريقة عمل سلطة كول سلو 

المكونات:

2 كوب كُرنب أبيض للسلطة، مقطع شرائح Cabbage

1 كوب جزر مقطع شرائح Carrots

3 ملعقة طعام مايونيز Mayonnaise

1 ملعقة طعام عصير ليمون

1/2 كوب سكر أبيض

1/4 كوب لبن (حليب)

1/4 ملعقة شاى خل أبيض (حسب الرغبة)

طريقة عمل سلطة كول سلو 

خطوات التحضير:

يتم غسل الكرنب الأبيض غسلا جيدا، ثم يقطع بالسكين فى صورة شرائح طولية متساوية.

يتم غسل الجزر جيدا، ونُقشر قشرته الخارجية، ثم نبدأ فى عملية بشر الجزر بالمبشرة أو فى kitchen Machine لنحصل على شرائح طولية متساوية.

نبدأ فى تجهيز الصوص الخاص بالسلطة، بخلط المايونيز مع عصير الليمون والسكر الأبيض والقليل من اللبن حسب السمك المطلوب، ونُقلب جميع المكونات جيدا.

فى وعاء عميق، نضع الكرنب والجزر ونخلطهم جيدا، ثم نضيف الصوص إلى شرائح الكرنب والجرز ونُقلب جميع المكونات جيدا.

توضع السلطة فى علبة بلاستيكية محكمة الغلق داخل الثلاجة (البراد) لمدة 12 ساعة على الأقل، ثم تقدم مع قطع دجاج كنتاكى أو الساندوتشات المختلفة.

لمشاهدة طريقة عمل سلطة كول سلو فيديو على يوتيوب اضغط >>> هنـــــــا 

كدة اتعرفنا مع بعض على طريقة عمل سلطة كول سلو وخطواتها سهلة جدا على فكرة بس محتاجة نفسك الحلو فى التحضير.